Eventi e Cultura 

L’oroscopo marottese

oroscopo

Inauguriamo il nuovo anno con una novità nel sito di Malarupta, l’oroscopo dialettale di Fabio Frattini per l’anno 2014. Buon Anno a tutti agli appasionati degli astri e del vernacolo marottese.

 Ariete (21 marzo – 20 aprile) – color ch’ v’ s’adic’: rosc’ cumunista.
La prima part dl’ann sarà ‘n po’ cidiósa e intrigata. Uràn è un po’ incazzat e
Marte passa lènt ‘ntèl segn’ comm la macina d’ sotta del mulin. Tutt quést
incriarà un bell scunturb anca per voialtr. Dop la prima mità d’ lùi invéc’ c’
sarà un gambiament d’ sostanza. Giòv piarà n’ altra bella scuffia e anca la
vita vostra c’ trovarà un tornacont. Piarìt l’ stradèll giust per arrivà ‘ndó v’
portarà ‘l còr e la testa.

Toro (21 aprile – 20 maggio) – colore ch’ v’ s’adic’: verd alga.
El 2014 incuminciarà che mèi d’ colmò ‘nn s’ pòl davéra, tutt l’ lun’ ènn
dalla part vostra. A genàr e febràr argirìt comm i somarr sa un rugùi for del
mòd, ma ‘nn v’ pudrìt lagnà manc a giugn’, settembr e dicembr. Dalla metà
d’ lùi Giòv e Saturnìn s’ sbézzcarànn un pò e purtropp, pi cazzi d’ lóra, anca
ma voialtr v’ toccarà caminà un pezz sa la martinicchia tirata, prò sa ‘n po’
d’ tigna e ‘n bell pizzchìn d’ pép ‘ntel cul i la farit a svernà méno mal.

Gemelli (21 maggio – 21 giugno) – color ch’ v’ s’adic’: bigiarìn chiar.
Quest sarà n’ann da arcordà p’un pèzz. Marte e Uràn ènn in trecicolo e più
tardi c’ montarà anca Giòv. Sa un cièl a colmò, ‘ndó arrivat, arrivat bèn e
‘ndó ‘nn c’ podét arrivà, buttatc’ pur ‘l capèll che costann tutt l’ ciambèll v’
nirànn sal bugh e perscìn l’ galìn’ v’ farann i òva sa dó ventèi. Anca in amor
sentirìt tutt quell che fin adè ‘nn’ avét mai sentut.

Cancro (22 giugno – 22 luglio) – color ch’ v’ s’adìc: carta del zuccr.
Saturnìn e Nettuno girànn a trovà ma Giove passand ‘ntel segn’ vostr fin
vers la mità d’ lùi e da tutt sti gì e arvién, pudrìt trovà un calc tornacont.
Prò fat atenzión, che anca Venere e Marte girànn a spass malì oltra e v’
podran mett i baston tra l’ ròt ‘nti rapòrt sa i criastian ch’ c’avét d’ più ‘ntèl
còr. Stat alla grélla, stregnèt i dent e tirat innanz, alla fin avrìt ragión e
soddisfazión.

Leone (23 luglio – 23 agosto) – color ch’ v’ s’adic:’ lillà
Marte v’ custudirà comm la ciòccia fa sa i pulcìn per tutta la prima mità
dl’ann e v’ darà la spénta ch’ c’ vòl per vénc’ la stracchézza ch’prima v’aveva
fatt nì Saturnìn. Uràn v’ dégna e v’ farà arrivà calca bella novità da da
lóngh. ‘Ntla s’conda mità d’ l’ann Giòv boccarà ‘ntèl ségn’ e v’ portarà na
sventata d’entusiasm che si ‘nn durmirìt v’ portarà na mucchia d’ furtuna.

Vergine (24 agosto – 22 settembre) – color ch’ v’ s’adìc’: grigón scur.
‘Ntèl ciél dl’ ann nòv, Giòv, Saturnìn, Uràn e Plutón girànn al pass d’ bòv,
ma tutti e quattr tièn’n per voialtr. C’ sarà, cò vòl dì, calca stomànata sa dl’
bell ruttùr d’ coión, ma starìt sempr a galla li stéss. Si sarìt svelti comm na
lucc’la per pià al vól tutt ‘l miél ch’ c’avrìt a portata d’ man, farìt i quadrìn a
stroppa cerquélla. Arcordatv prò, che ‘l mond ‘nn’è fatt per chi dòrm.

Bilancia (23 settembre – 22 ottobre) – color ch’ s’adic’: verd raganàcc’
La prima part dl’ann v’ farà saltà dalla sella comm quant passat sa la ròta
‘nt’ un scatafòss. Marte passarà ‘ntel ségn’ comm Trottapiàn e farà incazzà
ma Giòv, Uràn e chèl ficón d’ Venere. Quant questi machì ‘nn van d’acòrd,
noialtr sin portati a sgapà d’ pazienza e allora giù, scagnaràt sa tutti.
Atenzión prò a non falla sal padrón che d’ sti tèmp è mèi a non rizcà. Dòp d’
giugn’ anicò argirà al post sua e sarà comm a gì d’in giù p’la costa del Tatìn.

Scorpione (23 ottobre – 22 novembre) – color ch’ s’adìc’: nér seppia.
Cercat d’ scialà ‘ntla prima mità dl’ ann sa Giòv ch’ v’ vol ben e per l’intant
v’argalarà tutt i piacér del mond, C’avrìt un sacc d’occasiòn che, si saprìt
méttl a frutt, v’ l’artovarìt sempr. ‘Ntel lavór avét da doprà la testa perché c’
pudria èss calc inciamp, sopratutt da lùi in avanti, quant Giòv sarà ’n po’
distratt da na badant nòva. Si ‘nn durmirìt propi da piéd pudrìt sbarcà ‘l
lunari tant e quant.

Sagittario (23 novembre – 21 dicembre) – color ch’ v’ s’adìc’: turchìn.
Còstànn sarà per voialtr del sagitari n’ann giù che ‘nn c’è mal, car e grazi a
Marte stranament maturlón fin alla fin d’ottóbr. Ma dòp c’ sarà Giòv ch’
argirà in trecicolo e per l’intant pudrìt guardà innanz bèn da fatt. V’
podrànn arrivà anca calc invìt da da lóngh che v’ farà gì in brod’ d’ giugg’la.
Forsi forsi c’ sarà calca bella prupustina non sól d’afari, ma anca d’ amór.

Capricorno (22 dicembre – 20 gennaio) – color ch’ v’ s’adìc’: nér rigulizia.
L’ann nòv sarà per na bona mità un po’ dur da p’là per via d’ Marte, Giòv e
Uràn ch’ s’ sbézzcn tra d’ lora e a colmò lavór, famèa e perscìn i sentimènt
n’arsentirànn un tantinìn. Furtuna che Saturnìn e Venere vann a bracètt
‘ntèl ségn’ vostr e v’ darànn na man a tirà avanti ‘nt sta situazión un po’
ciaffa. Dalla mità d’ lùi pro, Giov s’ calmarà e voialtr pudrìt guardà in avanti
sa più fiducia e sprà in mèi.

Acquario (21 gennaio – 19 febbraio) – color ch’ v’ s’adìc’: blu oltra mar
Marte va in trecicolo fin alla fin d’ lùi e v’ darà la forza ch’ c’ vòl per vénc’ la
strachézza ch’ c’avét adòss per via dl’ incazzatùr d’ Saturnìn. A partì da
agóst v’ podrà capità d’ pià calc bell magón, ma guai a voialtr si fat la frégna
d’ chiudv drenta casa comm un cucch e méttv a piagn’ comm un disperat.
Stregnét i dent fin a dicembr che tant, dòp la bòra, è sempr nuta l’aria
bona.

Pesci (20 febbraio – 20 marzo) – colór ch’ v’ s’adìc’: verd d’la Léga.
Quest sarà n’ann che ma voialtr v’ fetarànn anca i gai perché ‘nn c’ sarà
nisciùn, ma pròpi nisciùn, ch’ v’ remarà contra. Cercàt d’ métt a frutt
st’occasión che ‘nn’ ènn sempr tropp fitt. La palla tocca pialla quant vién d’
balz. Fat tutt i prògett ch’ volét, si ‘nn’ c’avét la casa pensat di compralla, si
‘nn c’avét la mói o ‘l marìt, cercat d’accasàvv. Quest è n’ann ch’ v’ farà
scordà tutt quèll ch’avèt patit ‘nti ultm ann passati

Related posts

Leave a Comment